მცენარეების დაავადებებისგან და მავნებლებისგან დაცვის პარალელურად ივლისის თვეში მნიშვნელოვანია, რომ ნაკვეთი გაიწმინდოს სარეველლებისგან, ასევე მცენარეები დაიფაროს ბუნებრივი მულჩით, რათა დავიცვათ ისინი დაზიანებისგან. სარეველების მოშორების შემდეგ დაიწყეთ ნიადაგის გაფხვიერება.

დაავადეებების წინააღმდეგ საბრძოლლველად სპილენძის ფუნგიციდები ეფექტური საშუალებაა, მაგრამ ზაფხულის სიცხისგან და მაღალი ტემპერატურიდან გამომდინარე არსებობს მცენარეების დაზიანების საშიშროება, ამიტომაც გამოიჩინეთ სიფრთხილე აღნიშნული პრეპარატების მოხმარებისას.

მნიშვნელოვანია, რომ ძირხვენიანი კულტურები, როგორებიცაა: სტაფილო, ჭარხალი და სხვ. საბოლოოდ გამოიხშირონ, რათა დარჩენილ ძირხვენებს მიეცეს ნორმალურად განვითარების საშუალება. გოგრისებრთა ოჯახის წარმომადგენლების: კიტრის, ყაბაყის, ნესვის, საზამთროს და სხვ. შემთხვევაში მნიშვნელოვანია მათი რწყვის რეჟიმის რეგულირება, რადგან ეს კულტურები წყლის მიმართ დიდი მოთხოვნით ხასიათდებიან.