დეკემბრის თვეში განსახორციელებელი აგროტექნიკური ღონისძიებებიდან მნიშვნელოვანია, რომ დაბალი ტემპერატურისადმი მოწყვლადი მცენარეები შეიფუთოს და გაუკეთდეს მულჩირება, თუ ამ ღონისძიებების გატარება ნოემბერში ვერ მოასწარით.

თოვლის არსებობის შემთხვევაში, სასურველია, რომ მცენარეები დაიბერტყოს დიდი რაოდენობით თოვლის საფრისგან და შემოწმდეს ტოტებისა თუ ღეროების სიჯანსაღე მოტეხვის საშიშროების შემთხვევაში. სახლში შეგიძლიათ კვლავ განაგრძოთ არომატული მცენარეების, მწვანილების, ხახვისა თუ ნივრის რგვა.

სასურველია, ხშირად ამოწმოთ დაბინავებული მოსავლის მდგომარეობა, დაზიანებული პროდუქტი კი გაიტანოთ საწყობიდან, რადგან შენახვის არასწორი პირობები მნიშვნელოვნას აზიანებს მოსავალს ლპრობის განვითარების შემთხვევაში.

რაც შეეხება სათბურებში მუშაობას, წლის ამ პერიოდში სეზონი ისევ აქტიურია, უკვე შეგიძლიათ აიღოთ მოსავალი ან განაახლოთ თესვა.