აგვისტოს თვე მნიშვნელოვანი პერიოდია სასათბურე მეურნეობებისათვის, რადგან კიტრი და სხვა კულტურები, სწორედ, ამ პერიოდში აღწევენ მოსავლიანობის პიკს. ამასთანავე უკვე აქტიურად იწყება მზადება თესვისთვის. თუ კი არ გაქვთ მოსავლის რეალიზების ან შენახვის შესაძლებლობა, შეგიძლიათ, რომ პამიდვრის შემთხვევაში მცირედით გადაჭრათ ღეროს წვერი ან შეკრათ მცენარე, რათა შეიზღუდოს სიმწიფის პროცესის წარმართვა მცენარეში. რადგანაც უკვე აქტიურად იწყება მოსავლის აღების პროცესი, აიმის პარალელურადვე სასურველია, რომ დაიწყოთ  ნიადაგის ორგანული თუ მინერალური სასუქებით განოყიერება.

თუ კი ივლისში ვერ მოასწარით ნივრის მოსავლის აღება, უკვე საჭიროა, რომ აგვისტოს თვის დასაწყისში მაინც მოახერხოთ ეს და მოწეული მოსავალი შეინახოთ გამოსაშრობად. ხახვის ფოთლების გაყვითლების დაწყებისთანავე უკვე უნდა დაიწყოთ მოსავლის აღება და შესანახად მომზადება. აგვისტოში უკვე შესაძლებელია განაახლოთ მრავალწლოვანი მცენარეების თესვის პროცესი ზამთრის მოსავლისთვის ან დათესოთ სიდერატები ნიადაგის მეტი ნაყოფიერებისათვის.